«Բարսելոնայի» հարձակվող Նեյմարը կարծում է, որ «Մանչեսթեր Սիթին» խաղամակարդակով բավական հետ է իր ակումբից:
Երեկվա մամլո ասուլիսի ժամանակ կատալոնական ակումբի գլխավոր մարզիչ Խերարդո Մարտինոն ցույց տվեց իր հարգանքը Չեմպիոնների Լիգայի 1/8 եզրափակչում իրենց մրցակից «Մանչեսթեր Սիթիի» նկատմամբ և հայտնեց, որ «Սիթիին» չի համարում «Բարսելոնայի» փոքր պատճենը: Այսօր էլ «քաղաքայինների» մասին իր կարծիքն է հայտնել Նեյմարը:
-Ես շատ եմ լսում, որ «Մանչեսթեր Սիթին» կարող հաղթել «Բարսելոնային», քանի որ նրանք Անգլիայում շատ գոլեր են խփում: Սակայն իրականությունն այն է, որ «Սիթին» բավական զիջում է «Բարսելոնային»:
Նրանք լավ ֆուտբոլիստներ շատ ունեն, սակայն մենք այս առաջնությունում ավելի մեծ փորձ ունենք: Հարգանքով եմ վերաբերվում նրանց, սակայն եթե մենք մեր խաղը խաղանք, ապա «Սիթին» ոչ մի հնարավորություն չի ունենա,- ասել է Նեյմարը: Goal
