«Ստոկ Սիթիի» կիսապաշտպան Չարլի Ադամը որակազրկվել է երեք խաղով այն բանից հետո, երբ ֆուտբոլի Անգլիայի ասոցիացիան մերժեց նրա բողոքարկումը:
Անցած շաբաթ Ադամը մասնակցեց «Արսենալի» դեմ հաղթական խաղին (1:0)՝ աչքի ընկնելով մրցակցի հարձակվող Օլիվյե Ժիրուի նկատմամբ կոպիտ խաղով:
Այդ դրվագը չնկատեցին խաղի մրցավարները, սակայն երկուշաբթի օրը ՖԱԱ-ն մեղադրանք ներկայացրեց 28-ամյա շոտլանդացուն: Ադամը և իր ակումբը չընդունեցին մեղադրանքը, սակայն բողոքարկումը մերժվեց: Այժմ «Ստոկ Սիթիի» առաջատարը բաց կթողնի Պրեմիեր Լիգայում «Նորվիչի», «Վեստ Հեմի» և «Աստոն Վիլլայի» դեմ խաղերը:
