«Չելսին» համաձայնեցրել է «Ֆլումինենսեի» հարձակվող Քենեդիի տրանսֆերը 6,3 մլն ֆունտով գնելու հարցը:
19-ամյա Քենեդին կդառնա «Չելսիի» արդեն ութերորդ բրազիլիացին: The Telegraph պարբերականի հաղորդմամբ, երկու ակումբները համաձայնության են եկել, և արդեն մոտակա օրերին կարելի է սպասել գործարքի պաշտոնական հաստատմանը: «Չելսիի» գլխավոր մարզիչ Ժոզե Մոուրինյոն պետք է որոշի, գործարքը կայանալու դեպքում Քենեդիին վարձավճարով ուղարկի այլ ակումբ, թե թողնի ակումբի երիտասարդական թիմում:
Հաղորդվում է, որ Մոուրինյոն հետաքրքրվում է նաև «Անդերլեխտի» հարձակվող Ալեքսանդր Միտրովիչի ծառայություններով: 20-ամյա սերբին ցանկանում են գնել նաև «Սուոնսին», «Նյուքասլը» և «Բենֆիկան»: