«Չելսին» հաստատեց «Լեսթեր Սիթիի» հենակետային կիսապաշտպան Նգոլո Կանտեի տրանսֆերը։ Գործարքն արժեցել է 32 մլն ֆունտ։
«Կապույտների» հետ հինգ տարվա պայմանագիր ստորագրելուց հետո Կանտեն դարձավ Կլաուդիո Ռանիերիի չեմպիոնական թիմի առաջին կորուստը, սակայն, ամենայն հավանականությամբ, ոչ վերջինը։ Լուրերի համաձայն, Կանտեին կհետևեն նաև Ռիյադ Մահրեզը և առաջատար սկաուտ Սթիվ Ուոլշը։
Ֆրանսիայի ազգային հավաքականի 25-ամյա ֆուտբոլիստը «Չելսիում» Անտոնիո Կոնտեի երկրորդ ձեռքբերումն է Միշի Բատշուաիից հետո, որի համար մեկ միլիոն ավել վճարեցին։
-Ես շատ ուրախ եմ Եվրոպայի մեծագույն ակումբներից մեկին միանալու համար։ Ինձ համար դա երազանքի իրականացում է։ Անհամբերությամբ սպասում եմ Անտոնիո Կոնտեի հետ աշխատելուն, ով աշխարհի լավագույն մարզիչներից մեկն է։
Անգլիայում իմ առաջին մրցաշրջանը շատ յուրահատուկ էր, սակայն հուսով եմ ավելիին հասնել որպես «Չելսիի» ֆուտբոլիստ,֊ ասել է Կանտեն։
