«Չելսին» պատրաստ է միանալ Ռահիմ Ստերլինգի համար պայքարին, եթե «Լիվերպուլը» իջեցնի պահանջվող 50 մլն ֆունտ գումարը:
Ինչպես արդեն հայտնել ենք, «Լիվերպուլը» առաջարկ ունի «Մանչեսթեր Սիթիից», սակայն «կարմիրները» մերժել են 30 մլն ֆունտի առաջարկը: Լուրերի համաձայն, «քաղաքայինները» պատրաստ են առաջարկվող գումարը հասցնել մինչև 40 մլն ֆունտ:
Մյուս ակումբներն, այդ թվում «Մանչեսթեր Յունայթեդը» և «Ռեալը», միայն հետևում են իրադարձությունների զարգացմանը և չեն շտապում առաջարկություն անել: Ինչպես հայտնում է Sky Sports-ը, այդպիսի իրավիճակում է նաև «Չելսին»:
Սակայն «Չելսին» կմիանա պայքարին միայն այն դեպքում, եթե «կարմիրներն» իջեցնեն պահանջվող գումարը: «Ազնվականները» պատրաստ են Ստերլինգին վերադարձնել Լոնդոն, որտեղ նա 7 տարի բնակվել է Լիվերպուլ տեղափոխվելուց առաջ: