«Չելսին» բոլորի համար անակնկալ կերպով սկսեց և շատ արագ ավարտին հասցրեց «Բարսելոնայի» վինգեր Պեդրոյի տրանսֆերը։ Ընդամենը երեկ լուրեր տարածվեցին, որ Անգլիայում Պեդրոյի ապագա ակումբը կլինի, ոչ թե «Մանչեսթեր Յունայթեդը», այլ «Չելսին»։
Լոնդոնում բուժզննում անցնելուց հետո այսօր Պեդրոն չորս տարվա պայմանագիր ստորագրեց «ազնվականների» հետ։ Տրանսֆերը գնահատվում է 21 մլն ֆունտ։
Նախորդ մրցաշրջանում Պեդրոն մրցակցությունում զիջելով Լիոնել Մեսսիին, Լուիս Սուարեսին և Նեյմարին՝ բավարար խաղաժամանակ չստացավ, ինչի պատճառով որոշեց փոխել ակումբը։ Ողջ ամառվա ընթացքում խոսվում էր Պեդրոյի նկատմամբ «Մանչեսթեր Յունայթեդի» ունեցած հետաքրքրության մասին, սակայն արդյունքում նա դարձավ «Չելսիի» ֆուտբոլիստ։
֊Ես շատ ուրախ եմ այստեղ գտնվելու համար։ Ես այստեղ եմ, որպեսզի շարունակեմ տիտղոսներ նվաճել։ Շնորհակալ եմ ակումբից, որ ինձ կապույտ մարզաշապիկը հագնելու հնարավորություն տվեց,֊ ասել է Պեդրոն։
