«Մանչեսթեր Յունայթեդի» նախկին դարպասապահ Պետեր Շմեյխելը կարծում է, որ այս պահին Անգլիայի Պրեմիեր Լիգայում ամենաորակյալ ֆուտբոլը ցուցադրում է «Տոտտենհեմը»:
«Տոտտենհեմն» առաջնության մեկնարկային 5 խաղերից հետո 12 միավորով առաջին տեղը կիսում է «Արսենալի» հետ: 6-րդ տուրում նրանք կհանդիպեն «Չելսիին»:
-Կարծում եմ, որ լավագույն խաղը ցուցադրում է «Տոտտենհեմը»: Ամառվա ընթացքում նրանք լավագույն տրանսֆերներն իրականացրին: Նրանք թողեցին, որ հեռանա իրենց լավագույն ֆուտբոլիստ Գարեթ Բեյլը, սակայն արդյունքում ավելի ուժեղ դարձան:
Նրանք վստահ են խաղում և ցուցադրում են լավագույն ֆուտբոլը: Եթե ավելի շատ ակումբներ պայքարեն չեմպիոնական տիտղոսի համար, դրանից Պրեմիեր Լիգան միայն կշահի:
Այս տարի այդ ակումբները վեցն են: Իսկ «Տոտտենհեմը» դեռ կարող է ավելի ուժեղանալ և մյուս տարի չեմպիոնական պայքարի լուրջ հայտ ներկայացնել,- ասել է Շմեյխելը: BBC