«Չելսիի» դարպասապահ Պետր Չեխը Պրեմիեր Լիգայի չեմպիոնական պայքարում գլխավոր ֆավորիտ է համարում «Մանչեսթեր Սիթիին»:
Երեկ «Էթիհադում» տարած հաղթանակի շնորհիվ «Չելսին» միավորներով հավասարվեց «քաղաքայիններին» և առաջատար «Արսենալի» նկատմամբ միավորների տարբերությունը հասցրեց 2-ի: Չնայած այդ արդյունքին, Չեխն այս երեք ակումբներից հենց «Սիթիին» է ֆավորիտ համարում:
-Եթե մենք պարտվեինք, ապա միավորների տարբերությունը կհասներ 6-ի, իսկ այժմ գտնվում ենք նույն մակարդակի վրա: Սակայն իմ կարծքիով, չեմպիոնական պայքարում գլխավոր ֆավորիտը «Մանչեսթեր Սիթին» է,- իր պաշտոնական վեբ կայքում գրել է Չեխը:
