«Վեստ Բրոմվիչի» գլխավոր մարզիչ Տոնի Պյուլիսը հաստատել է հարձակվող Սաիդո Բերաինոյին կազմ վերադարձնելու իր պատրաստակամությունը։
Տրանսֆերային պատուհանի փակման վերջին օրը 22-ամյա Բերաինոն սպասում էր «Տոտտենհեմ» իր տեղափոխությանը։ Անգլիացի ֆուտբոլիստը հրապարակավ հայտարարեց, որ չի ցանկանում խաղալ «Վեստ Բրոմվիչում»։ Նա արդեն բաց է թողել Պրեմիեր Լիգայի վերջին երկու տուրերը։
Երկուշաբթի օրը Բերաինոն վերադարձել է մրազաբազա, և այժմ Պյուլիսը պատրաստ է տաղանդավոր հարձակվողին օգտագործել խաղում։
-Սաիդոն վերադարձել է, և նրան ընդունել են ինչպես մյուս ֆուտբոլիստներին։ Նա լավ է մարզվել և ես ոչ մի կասկածներ չունեմ նրա հետ կապված,- ասել է Պյուլիսը։ The Telegraph
Ավելացնենք, որ շաբաթ օրը «Վեստ Բրոմվիչը» կհյուրընկալի «Սաութհեմպտոնին»։
