Ինչպես հայտնում է BBC-ն, «Վեստ Հեմը» մոտ է «Բլեքբեռնի» դարպասապահ Պոլ Ռոբինսոնին ձեռք բերելուն:
33-ամյա Ռոբինսոնը վատ հարաբերությունների մեջ է «Բլեքբեռնի» մարզչական անձնակազմի հետ և վերջին ժամանակներս խաղերին հետևում է բացառապես պահեստայինների նստարանից: Ակնհայտ է՝ նման կարգի ֆուտբոլիստի համար չէ Չեմպիոնշիփում հանդես եկող ակումբը:
Ըստ աղբյուրի՝ «Վեստ Հեմն» ու «Բլեքբեռնը» արդեն համաձայնեցրել են գործարքի բոլոր մանրամասները, սակայն վերջնական տեղափոխության համար անհրաժեշտ է Ռոբինսոնի համաձայնությունը: Ենթադրվում է, որ դա էլ կստացվի Ռոբինսոնի և Վեստ Հեմի գլխավոր մարզիչ Սեմ Էլլարդայսի լավ հարաբերությունների շնորհիվ:
