«Արսենալի» կիսապաշտպաններ Աարոն Ռեմսին և Թեո Ուոլկտը արդեն վերադարձել են ամբողջական ծրագրով մարզումներին և պատրաստ են մասնակցել «Սաութհեմպտոնի» դեմ խաղին:
Հիշեցնենք, որ Ռեմսին ծնկի վնասվածքի պատճառով բաց թողեց Ուելսի հավաքականի նախորդ խաղը, իսկ Ուոլկետը վերականգնվում է արդեն վեց շաբաթ:
Այժմ ոչինչ չի խանգարում այս երկու ֆուտբոլիստներին, որպեսզի իրենց թիմին օգնեն առաջնության գլխավոր հայտնություն «Սաութհեմպտոնի» դեմ խաղում: Հիշեցնենք, որ Մաուրիսիո Պոչետինոյի թիմը Պրեմիեր Լիգայի լավագույն պաշտպանությունն ունի և այժմ զբաղեցնում է մրցաշարային աղյուսակի 3-րդ հորիզոնականը և առաջատար «Արսենալից» հետ է ընդամենը 3 միավորով:
Մոտ է նաև Լուկաս Պոդոլսկիի վերադարձը: Գերմանացի հարձակվողը դաշտ կվերադառնա նոյեմբերի վերջին:
