«Լիվերպուլի» նախկին մարզիչ Ռոյ Էվանսը կարծում է, որ անկախ Պրեմիեր Լիգայի չեմպիոնական պայքարի արդյունքից, Բրենդան Ռոջերսը պետք է ճանաչվի տարվա մարզիչ:
Նախորդ մրցաշրջանի արդյունքում զբաղեցրած յոթերորդ հորիզոնականից հետո քչերն էին հավատում, որ «կարմիրները» կարող են պայքարել չեմպիոնության համար: Էվանսի կարծիքով, Բրենդանն իրեն լավագույնս է դրսևորել:
-Բրենդանը պետք է ճանաչվի տարվա մարզիչ: Անկախ նրանից, թե մենք կնվաճենք տիտղոս, թե ոչ, նա արժանի է այդ կոչմանը: Նա նախորդ տարվա 7-րդ տեղից մեզ բարձրացրեց վերև և այժմ պայքարում ենք չեմպիոնության համաև: Նա ֆանտաստիկ աշխատանք կատարեց:
Նա թիմն ավելի ուժեղ դարձրեց: Ընթացիկ մրցաշրջանում ես վայելում եմ «Լիվերպուլի» խաղը: Նման բան չէր եղել շատ վաղուց: Նա արժանի է տարվա մարզիչ ճանաչվելուն,- ասել Էվանսը: Liverpool Echo
