«Արսենալի» գլխավոր մարզիչ Արսեն Վենգերը հայտնել է, որ իր թիմի ֆուտբոլիստներ Օլիվյե Ժիրուն և Տոմաշ Ռոսիցկին պատրաստ կլինեն մասնակցել Պրեմիեր Լիգայի հաջորդ տուրի խաղին, որում «զինագործները» դաշտ դուրս կգան «կաչաղակների» դեմ:
Հիշեցնենք, որ Ժիրուն և Ռոսիցկին բաց թողեցին «Արսենալի» վերջին խաղը «Ուիգանի» հետ, որում Վենգերի սաները նվազագույն հաշվով հաղթանակ տարան:
Բացի դա, Վենգերը ավելացրել է, որ թիմի պաշտպան Անդրե Սանտոսը և կիսապաշտպան Աբու Դիաբին արդեն հաջորդ շաբաթ կվերսկսեն մարզումները:
-Այն, որ վնասվածքով ֆուտբոլիստ գրեթե չունենք, շատ կարևոր է առաջնության այս հատվածի համար: Դա խոսում է նաև մեր բժշկական անձնակազմի աշխատանքի որակի մասին:
Մենք հուսով ենք, որ այս վիճակը երկար կպահպանվի, քանի որ հունվարին մեզ շատ ֆուտբոլիստներ պետք կգան: Միակ բացը Ժերվինյոն է, ով կմասնակցի աֆրիկյան ազգերի գավաթի խաղարկությանը,- ասել է Վենգերը: Sky Sports
