Մադրիդի «Ռեալի» պաշտպան Սերխիո Ռամոսը չի կասկածում, որ Չեմպիոնների Լիգայի 1/8-րդ եզրափակչում իր թիմին երկու բարդ հանդիպում է սպասվում:
-Մենք վաղուց հաջողության չենք հասել այս մրցաշարում և ամբողջ աշխարհն է խոսում 10-րդ հաղթանակի անհրաժեշտության մասին: «Ռեալի» ֆուտբոլիստները ցանկանում են հաղթել այս առաջնությունում, սակայն մենք գիտենք այդ խնդրի բարդությունը:
«Մանչեսթեր Յունայթեդի» կազմում կառանձնացնեմ Ռոբին Վան Պերսիին, ով հիանալի մարզավիճակում է գտնվում: Նա շատ արագ է և տիրապետում է գեղեցիկ հարվածների: Այնպես որ նա իսկական գլխացավ է: Կնշեմ նաև Ուեյն Ռունիին,- ասել է Ռամոսը:
