«Սուոնսին» Եվրոպա Լիգայի որակավորման երրորդ փուլի երկու խաղերի արդյունքում 4:0 հաշվով հաղթելով «Մալմյոին»՝ դուրս եկավ փլեյ-օֆֆ փուլ:
Հիշեցնենք, որ անցած շաբաթ Միքայել Լաուդրուպի սաները սեփական հարկի տակ վստահ հաղթանակ տարան շվեդական ակումբի նկատմամբ՝ 4:0: Արտագնա խաղը ուելսցիների համար ձևական բնույթ կրեց և այն ավարտեցին գոլազուրկ ոչ-ոքիով:
Ավելացնենք, որ «կարապները» փլեյ-օֆֆ փուլի իրենց մրցակցին կիմանան ուրբաթ օրը, երբ Նիոնում կայանա վիճակահանությունը: «Սուոնսին» այս առաջնության ուժեղագույն թիմերից է համարվում: