«Մանչեսթեր Յունայթեդի» նախկին կիսապաշտպան Փոլ Սքոուլզը կարծում է, որ Ռոբին վան Պերսիի վնասվածքը Խուան Մատային կօգնի ցույց տալ իր ողջ պոտենցիալը:
Այսօր առավոտյան հայտնի դարձավ, որ ծնկի վնասվածքի պատճառով հոլանդացի ռմբարկուն կարող է այս մրցաշրջանում այլևս դաշտ դուրս չգալ:
Այս պարագայում, Ռունին զրկվում է հարձակման գծում իր խաղընկերոջից, սակայն հիանալի հնարավորություն է ստեղծվում Խուան Մատայի համար, ով դեռևս ամբողջովին չի հարմարվել իր նոր թիմին: Սքոուլզի կարծիքով, դա օգտակար կլինի իսպանացու համար:
-Կարծում եմ՝ թիմային և կոլեկտիվ ֆուտբոլ խաղացող ակումբը պետք է շատ գոլեր խփի: Իհարկե, նախորդ մրցաշրջանում մեր հաղթանակի մեջ մեծ էր Ռոբինի ավանդը: Սակայն գոլային պահերի ստեղծման համար քեզ խաղընկերներ են պետք: Մեր ակումբը կարող է շատ գոլեր խփել: Կարծում եմ՝ վան Պերսիի վնասվածքը Խուան Մատայի համար լավ հնարավորություն կստեղծի խաղալ իր սիրած դիրքում,- ասել է Սքոուլզը: Goal
