«Տոտտենհեմի» կիսապաշտպան Սքոտ Պարկերին ձեռք բերելու համար «Քուինս Պարկ Ռեյնջերսի» հետ պատրաստ է պայքարել «Վեստ Հեմը»: Այս մասին հայտնում է Daily Mirror-ը:
Տաղանդավոր բրազիլիացի Պաուլինյոյին ձեռք բերելուց հետո, 32-ամյա Պարկերի ապագան «Ուայտ Հարթ Լեյնում» հարցականի տակ է հայտնվել: Ակնհայտ է, որ այժմ փորձառու անգլիացին մարզիչ Անդրե Վիլաշ-Բոաշի համար առաջին տարբերակը չի լինի:
Աղբյուրի համաձայն, մինչև հիմա ֆուտբոլիստի գլխավոր հավակնորդը հանդիսանում էր «ՔՊՌ»-ն, որը գալիք մրցաշրջնում պետք է Պրեմիեր Լիգա վերադառնալու խնդիրը լուծի: Սակայն այժմ հորիզոնում հայտնվել է Պարկերի նախկին ակումբը` «Վեստ Հեմը»:
Այս հարցում որոշիչ կարող են լինել երկու ակումբների կողմից առաջարկվող պայմանները: Եվ եթե «դարբինները» պատրաստ են Սքոտին միայն վարձավճարով ձեռք բերել, ապա «ռեյնջերները» մտադիր են ամբողջությամբ գնել նրա տրանսֆերը: