«Վեստ Հեմը» համաձայնության է եկել «Էստուդիանտեսի» կոլումբիացի հարձակվող Դուվան Սապատայի տրանսֆերային արժեքի հարցում: Լոնդոնյան ակումբը Սապատային ձեռք բերելու համար կվճարի 6.7 մլն ֆունտ: Daily Mirror
Ակնհայտ է, որ այս ամռանը «Վեստ Հեմը» ցանկանում է ուժեղացնել հարձակման գիծը: Արդեն հայտնի է, որ «Վեստ Հեմը» Ալվարո Նեգրեդոյին գնելու անհաջող փորձ է կատարել:
Այժմ «Վեստ Հեմն» իր ուշադրությունն ուղել է 22-ամյա Սապատայի կողմը: Նախորդ մրցաշրջանում Դուվանը 23 խաղում դարձել է 14 գոլի հեղինակ:
Հաղորդվում է, որ «Վեստ Հեմը» կոլումբիացուն 4 տարվա պայմանագիր է առաջարկել: Սպասվում է, որ տեղափոխությունը կկայանա մոտակա օրերին:
