«Տոտտենհեմը» չի պատրաստվում բաժանվել իր պաշտպան Յան Վերտոնգենից:
Նախորդ մրցաշրջանի արդյունքում լոնդոնցիները չկարողացան տեղ գտնել Չեմպիոնների Լիգայի գոտում, ինչը վտանգի տակ դրեց 27-ամյա բելգիացու ապագան «Ուայթ Հարթ Լեյնում»:
Օրեր առաջ Յանի գործակալը հայտնեց, որ միանգամից մի քանի եվրոպական ակումբներ հետաքրքրվում են Վերտոնգենի ծառայություններով: Այդ ակումբների թվում է «Բարսելոնան», որը Կարլես Պույոլին փոխարինող է փնտրում:
Սակայն, ինչպես հաղորդում է Sky Sports-ը, «Բարսելոնայից» ոչ ոք կապ չի հաստատել Վերտոնգենի հետ կամ նրա տրանսֆերի հարցով՝ «Տոտտենհեմի» հետ: Սակայն դա ոչ մի նշանակություն չունի, քանի որ ակումբը չի ցանկանում վաճառել Յանին:
