Անդրե Վիլաշ-Բոաշը տրանսֆերային գործունեություն չի ծավալելու հունվարին. թիմն ունի անհրաժեշտ բոլոր ֆուտբոլիստները: Այս մասին «Տոտենհեմի» գլխավոր մարզիչն ասել է BBC-ին: Նա գոհ է իր թիմից ու իր բոլոր ֆուտբոլիստներից: Վիլաշ-Բոաշի խոսքերի վառ ապացույցը ակումբի հերթական հաղթանակն էր, որն էլ «շպորներին» բարձրացրեց 4-րդ հորիզոնական:
Միևնույն ժամանակ չեն դադարում շշուկներն այն մասին, որ պորտուգալացի մասնագետը հետաքրքրվում է «Շալկե-04-ի» հարձակվող Կլաս Յան Հունտելարի և «Շախտյորի» Վիլլիանի ծառայություններով:
Այնուամենայնիվ, Վիլաշ-Բոաշը դիրքային ոչ մի խնդիր չի տեսնում: Շուտով թիմ կվերադառնան Յունես Կաբուլը, Սքոտ Պարկերն ու Բենուա Ասու-Էկոտոն: Նույնիսկ Էմանուել Ադեբայորը հրաժարվեց Աֆրիկայի Գավաթին մասնակցելուց և մնաց Անգլիայում:
-Եթե անկեղծ, ես չեմ կարծում, որ մենք համալրման կարիք ունենք: Մենք գոհ ենք մեր ունեցած ֆուտբոլիստներից,-ասել է «Տոտենհեմի» գլխավոր մարզիչը:
