«Տոտտենհեմի» նորանշանակ մարզիչ Մաուրիսիո Պոչետինոն մտադիր է ձեռք բերել «Սևիլյայի» ձախ պաշտպան Ալբերտո Մորենոյին:
Իսպանիայի հավաքականի ֆուտբոլիստի ծառայություններով ակտիվորեն հետաքրքրվում էր «Լիվերպուլը», սակայն այս պահին երկու ակումբների միջև անհամաձայնություն կա կապված տրանսֆերային արժեքի հետ:
Ինչպես հաղորդում է Daily Mail-ը, Ալբերտոյի համար «Լիվերպուլի» հետ մտադիր է պայքարել «Տոտտենհեմը»: Պոչետինոն «Սևիլյային» առաջարկել է Ռոբերտո Սոլդադոյի մեկ տարով վարձակալության իրավունքը և 14 մլն ֆունտ:
Պաշտպանության ձախ եզրի ուժեղացումը Պոչետինոյի գլխավոր առաջադրանքներից մեկն է:
