Պրեմիեր Լիգայի 28-րդ տուրի կենտորանական հանդիպումը տեղի ունեցավ Լոնդոնի «Ուայթ Հարթ Լեյն» մարզադաշտում: Հյուսիսլոնդանյան դերբիում ուժերը չափեցին «Տոտտենհեմը» և «Արսենալը»:
Առաջին խաղակեսում հավսար պայքար ընթացավ: Երկու թիմերն էլ մի քանի վտանգավոր պահ ստեղծեցին, սակայն ավելի արդյունավետ գործեցին Վիլաշ-Բոաշի սաները: Խաղի հաշիվը 37-րդ րոպեին Գիլֆի Սիգուրդսոնի փոխանցումից հետո բացեց Գարեթ Բեյլը՝ խփելով ընթացիկ մրցաշրջանում իր 16-րդ գնդակը: Ընդամենը 2 րոպե հետո Ահարոն Լենոնը հաշիվը դարձրեց 2:0:
Երկրորդ խաղակեսի սկզբնամասում «Արսենալը» կարողացավ կրճատել հաշվի տարբերությունը: Գոլի հեղինակ դարձավ Պեր Մերտեզակերը՝ 2:1: Խաղի մնացած ժամանակում հաշվի մեջ փոփոխություն տեղի չունեցավ և «Տոտտենհեմը» անչափ կարևոր խաղում հաղթեց 2:1 հաշվով:
Այս հաղթանակից հետո «Տոտտենհեմը» մրցաշարային աղյուսակում շրջանցեց «Չելսիին» և զբաղեցրեց երրորդ հորիզոնականը:
Գոլեր. Բեյլ՝ 37ր, Լենոն՝ 39ր, Մերտեզակեր՝ 51ր
