«Քուինս Պարկ Ռեյնջերսի» ղեկավոր Տոնի Ֆերնանդեսը հայտնել է, որ իր թիմի գլխավոր նպատակն է պահպանել տեղը Պրեմիեր Լիգայում:
Չնայած որ լոնդոնցիները տրանսֆերային պատուհանի ընթացքում լուրջ համալրումներ ունեցան՝ ի դեմս Ռիո Ֆերդինանդի, Սանդրոյի, Լերոյ Ֆերի, Էդուարդո Վարգասի և Մաուրիսիո Իսլայի, ՔՊՌ-ի նախագահը մտածում է միայն տեղը պահպանելու մասին:
-Պահպանել տեղը Պրեմիեր Լիգայում. ահա մեր նպատակը: Երբ մենք 2013թ-ին դուրս մնացինք, մի շարք ֆուտբոլիստներ կորցրինք, ովքեր չէին ցանկանում խաղալ Չեմպիոնշիփում: Այժմ մենք ավելի լավ կարգավիճակում ենք: Մենք հավատում ենք մարզչին, և ես չեմ պատրաստվում խառնվել նրա գործերին,- ասել է Ֆերնանդեսը: Express
