«Մանչեսթեր Սիթիի» նկատմամբ հաղթանակը կարող է «Մանչեսթեր Յունայթեդի» համար դառնալ բոլոր ժամանակների լավագույն արդյունքներից մեկը: Այս կարծիքին է «Յունայթեդի» գլխավոր մարզիչ Սէր Ալեքս Ֆերգյուսոնը, որի թիմը պատրաստվում է կիրակի օրվա մանչեսթերյան դերբիին:
Սէր Ալեքսը գիտակցում է, թե ինչքան կարևոր է հաղթանակը, բայց հաղթելու համար համապատասխան գործողություններ են պետք: Այս մասին նա ասել է MUTV տված հարցազրույցում:
-Նրանք իսկապես ունեն լավ թիմ ուժեղ ֆուտբոլիստներով: Հեշտ չի լինելու: Եվ եթե մենք խաղանք այնպես, ինչպես «Ռեդինգի» հետ խաղում, ապա մենք կհայտնվենք ծանր իրավիճակում: Մեզ համար կարևոր է դասեր քաղել արած սխալներից և դրանք ուղղել,- նշել է «Յունայթեդի» գլխավոր մարզիչը:
