Նորություններ

Fantasy-ն իրականութուն դարձրեց մեր հայրենակցի երազանքը

01.08.2015, 21:22

AbelՕրեր առաջ մեր ֆեյսբուքյան էջում հայտնեցինք Fantasy Premier League կայքում լիգա բացելու մասին: Արձագանքները և խաղի նկատմամբ հետաքրքրությունը սպասվածից ավելին էր:

 

Լիգայի անդամ դարձած խաղացողներից շատերն առաջին անգամ են լսում խաղի մասին և անգամ հստակ պատկերացում չունեն նրա կանոնների մասին: Սակայն ֆուտբոլասերների շրջանում մեծ մասսայականություն վայելող այս խաղը, որի մասնակիցների թիվն անցնում է 3 միլիոնից, քաջածանոթ է մեր հայրենակից Աբել Յուզբաշյանին, ով համարվում է խաղի «հնաբնակներից»:

 

Աբելը 2012/13 մրցաշրջանում կարողացավ ֆուտբոլային գիտելիքների, ինտուիցիայի, սառը դատողության և ինչու չէ, նաև բախտի շնորհիվ, իրականություն դարձնել իր երազանքը՝ «Ուեմբլիում» հետևել «Չելսիի» խաղին: Նա «ազնվականների» խաղը վայելելու հնարավորություն ունեցավ նաև «Քրեյվն Քոթեջում», որտեղ իր երկրպագած թիմը խոշոր հաշվով հաղթեց «Ֆուլհեմին» (0:3):

 

Ամեն ինչ սկսվեց դեռ Պրեմիեր Լիգայի 2006/07 մրցաշրջանում, երբ «Bad Boys» մականունով գրանցված Աբել Յուզբաշյանն իր թիմը ներկայացրեց խաղում: Փոփոխական հաջողություններով, սակայն տարեցտարի հմտանալով՝ նա հասավ 2012/13 մրցաշրջան: Աբելի համար հաղթական ստացվեց մրցաշրջանի երկրորդ քառորդը: Ունենալով ավելի քան 2 մլն մրցակից՝ նա կարողացավ ամենից ճիշտ մարտավարությունն ընտրել և իր կանխատեսումների շնորհիվ Լոնդոն մեկնելու ուղեգիր նվաճեց: Նրա համար վճռորոշ դարձավ «Աստոն Վիլլայի» դեմ խաղում «Տոտտենհեմի» կիսապաշտպան Գարեթ Բեյլի հեթ-տրիկը, ում մեկ տուր առաջ էր ավելացրել իր թիմին: Աշխատավայրում նա հեռախոսով թերթեց խաղի մասնակիցների ցուցակը և իր անունը հայտնաբերեց առաջին հորիզոնականում:

 

Abel2Աբելը 2013 թվականի ապրիլին Լոնդոն մեկնեց իր ընկերոջ հետ, որտեղ նրանց դիմավորեց Պրեմիեր Լիգայի աշխատակիցը: Երազանքների առաջին փուլը Մեծ Բրիտանիայի համար մեկ մարզադաշտ «Ուեմբլին» էր, որտեղ ապրիլի 14-ին «Չելսին» Անգլիայի գավաթի կիսաեզրափակիչ խաղում մրցեց «Մանչեսթեր Սիթիի» հետ: Մեր հետ զրույցում Աբելը հայտնեց, որ աննկարագրելի են «Ուեմբլիից» ստացած տպավորությունները, չնայած որ այդ խաղում «քաղաքայինները» հաղթեցին 2:1 հաշվով: «Ուեմբլին» պարզապես վերջն էր:

 

Երկրորդ մարզադաշտը Թեմզայի ափին գտնվող «Քրեյվն Քոթեջն» էր, իսկ խաղը՝ Պրեմիեր Լիգայի 29-րդ տուրում «Ֆուլհեմ» - «Չելսի» դերբին: Այս անգամ մեր հայրենակցի թիմը հուսախաբ չարեց՝ երեք անպատասխան գնդակ ուղարկելով դաշտի տերերի դարպասը:

 

Abel1Սակայն Լոնդոն ուղևորությունը լիարժեք չէր լինի, եթե նա չայցելեր «Սթեմֆորդ Բրիջ»: Պրեմիեր Լիգան հոգացել էր նաև դրա մասին: Առաջնության ներկայացուցիչները կազմակերպեցին տղաների շրջայցը «Չելսիի» տնային խաղերի մարզադաշտում: Աբել Յուզբաշյանը խաղի շնորհիվ իրականացրեց այն, ինչի հնարավորությունն ունեք դուք: Դա իրապես Fantasy (ֆանտաստիկ) է, սակայն միևնույն ժամանակ իրատեսական: Պրեմիեր Լիգայի 2015/16 մրցաշրջանի, ինչպես նաև Fantasy-ի մեկնարկին մնացել են հաշված օրեր: Դուք կարող եք դառնալ խաղի հայազգի երկրորդ հերոսը:

 

Իսկ փորձառու Աբելը բոլորիդ խորհուրդ է տալիս լինել սառը դատողությամբ, երբեք նախապատվությունը չտալ երկրպագած թիմի ֆուտբոլիստներին, այլ ռեալ գնահատել իրավիճակը և ընտրել տվյալ տուրի համար օպտիմալ կազմ: Անձամբ նա խաղում է երեք պաշտպանով և կազմում չի ունենում մեկ թիմի երկուսից ավել ֆուտբոլիստ, որպեսզի թիմի անհաջող ելույթի դեպքում կորուստը մեծ չլինի:

 

Ավելացնենք, որ մեր լիգայի հաղթողը նվեր կստանա Պրեմիեր Լիգայի իր ցանկացած ֆուտբոլիստի մարզաշապիկն՝ Անգլիայում ֆուտբոլիստի ակումբի պաշտոնական խանութից:

Լիգային միանալու տվյալները՝ Private League - 333549-101838

 

Հաղթանակներով լի մրցաշրջան ձեզ:

Fantasy-ի նախորդ առաջնության հաղթողը ստացավ իր մրցանակը

13.09.2019, 11:14

Fantasy-ի նախորդ առաջնության հաղթողը ստացավ իր մրցանակը

www.premierleague.am կայքն 5-րդ տարին անընդմեջ կազմակերպում է  Fantasy Premier League խաղի ներքին առաջնություն, որի հաղթողը որպես մրցանակ ստանում է իր նախընտրած մարզաշապիկը Անգլիայում ակումբի պաշտոնական խանութից։

կարդալ...

Չելսին հաղթեց Արսենալին և նվաճեց Եվրոպա Լիգայի գավաթը (տեսանյութ)

30.05.2019, 00:51

Չելսին հաղթեց Արսենալին և նվաճեց Եվրոպա Լիգայի գավաթը (տեսանյութ)

Բաքվի Օլիմպիական մարզադաշտում կայացավ Եվրոպա Լիգայի եզրափակիչը, որտեղ միմյանց հետ մրցեցին երկու անգլիական ակումբներ՝ «Արսենալը» և «Չելսին»։

կարդալ...