Բրիտանական Mirror պարբերականը հարցախույզ է անցկացրել Պրեմիեր Լիգայի բոլոր ակումբների երկրպագուների շրջանում՝ պարզելու, թե որ ակումբներն են Անգլիայում ամենաչսիրվածները։
Ամենաչսիրված ակումբների ցուցակը գլխավորում է «Չելսին»։ «Չելսիի» նկատմամբ հակակրանք ունեն հարցվածների 68,7%-ը։ «Չելսիին» հետևում են «Մանչեսթեր Յունայթեդը» (68,1%), «Լիվերպուլը» (52,8%), «Վեստ Հեմը» (47,6%) և «Արսենալը» (46,2%)։
Բացի այդ, երկրպագուներին հարցրել են, թե իրենց ակումբից բացի որ ակումբին են համակրում։ Այլ երկրպագուներին ավելի շատ դուր են եկել «Բերնլին» (35,8%), «Հադերսֆիլդը» (30,2%), «Մանչեսթեր Սիթին» (28,3%), «Նյուքասլը» (27,1%) և «Ֆուլհեմը» (27,1%)։
«Չելսին» Անգլիայի վեցակի չեմպիոն է։ Վեց տիտղոսներից հինգը «կապույտները» նվաճել են 21֊րդ դարում։ «Բերնլին» երկու անգամ է չեմպիոն դարձել՝ 1920/21 և 1959/60 մրցաշրջաններում։
