5. «Տոտտենհեմ Հոտսպուր» 9-1 «Ուիգան Ատլետիկ» | 2009թ․ նոյեմբեր
Մինչև ընդմիջում «Տոտտենհեմը» հաղթում էր 1-0 հաշվով, սակայն երկրորդ խաղակեսում 9 գոլ գրանցվեց, որից 8-ը խփեցին լոնդոնցիները: «Ուիգանի» ֆուտբոլիստներն այնքան էին նեղվել այդ պարտությունից, որ առաջարկել էին վերադարձնել իրենց թիմի այն 400 երկրպագուների գումարները, ովքեր եկել էին «Ուայթ Հարթ Լեյն»: Այդ խաղում Ջերմեյն Դեֆոն դարձավ պենտա տրիկի հեղինակ:
4. «Նյուքասլ Յունայթեդ» 5-0 «Մանչեսթեր Յունայթեդ» | 1996թ․ հոկտեմբեր
1996թ-ին «Նյուքասլ Յունայթեդը» տարավ իր պատմության ամենահայտնի հաղթանակներից մեկը, երբ «մանկունյանցիներին» մարզում էր Սէր Ալեքս Ֆերգյուսոնը: Այդ խաղում բոլոր գոլերն էլ գեղեցիկ էին, սակայն հիշարժան է Ֆիլիպ Ալբերտի խփած գոլը, որը աղ լցրեց «Յունայթեդի» վերքերին:
3. «Միդլսբրո» 8-1 «Մանչեսթեր Սիթի» | 2008թ․ մայիս
Պրեմիեր Լիգայի գրանդ ակումբներից «Մանչեսթեր Սիթին», որը 2013թ-ի նոյեմբերին 6-0 հաշվով հաղթեց «Տոտտենհեմին», ընդամենը 5 տարի առաջ կրել է իր պատմության ամենաամոթալի պարտությունը: Իհարկե այն ժամանակ «Սիթին» այսօրվա աստղային թիմը չուներ, սակայն այնտեղ էին խաղում այնպիսի հայտնի ֆուտբոլիստներ, ինչպիսիք ենք Ստեֆան Այրլենդը, Մարտին Պետրովը, Էլանոն և Դիդի Համաննը:
2. «Մանչեսթեր Յունայթեդ» 8-2 «Արսենալ» | 2011թ․ օգոստոս
«Արսենալի» պատմության ամենաամոթալի պարտությունը գրանցվել է ոչ շատ վաղ անցյալում: 2011թ-ի օգոստոսին «Մանչեսթեր Յունայթեդը» քարուքանդ արեց Լոնդոնի ամենահեղինակավոր ակումբին, որտեղ չնայած կազմի թուլացմանը, խաղում էին Ռոբին վան Պերսին և Թեո Ուոլկոտը: Խաղից հետո Սէր Ալեքսը հայտնեց, որ կարեկցում է Վենգերին, ում ապագան այդ խաղով վտանգվեց «Էմիրեյթսում»:
1. «Մանչեսթեր Յունայթեդ» 1-6 «Մանչեսթեր Սիթի» | 2011թ․ հոկտեմբեր
«Արսենալին» 8-2 հաշվով հաղթելուց ընդամենը 2 ամիս անց «Մանչեսթեր Յունայթեդը» ամոթալի պարտություն կրեց իր սկզբունքային մրցակից «Մանչեսթեր Սիթիից»: 3-0 հաշվով հաղթելու ժամանակ Դարրեն Ֆլետչերը գոլի հեղինակ դարձավ և արթնացրեց «կարմիր սատանաների» հույսը, սակայն «քաղաքայիններն» այդ օրն անկասելի էին: Այս խաղի արդյունքը ցնցեց ողջ ֆուտբոլային աշխարհը:
